میدیا – هەولێر:

مه‌كته‌بی سیاسیی یەکێتى نەتەوەیى دیموکراتى کوردستان YNDK بەبۆنەى (12)يه‌مین ساڵڕۆژی دامەزراندنی بزووتنه‌وه‌ی چاكسازی نیشتمانی په‌یامی پیرۆزباییان ئاڕاسته‌ ده‌كات و له‌په‌يامه‌كه‌دا هاتووه‌: له‌قۆناغی ئێستادا كوردستان و عێراق و ناوچه‌كه‌ به‌ ره‌وشێكی ناسك و هه‌ستیاردان، بۆ ده‌ربازكردنی ئه‌م ره‌وشه‌ له‌سه‌ر هه‌موو لایه‌كمان پێویسته‌ كار بۆ یەكڕیزی و يه‌كهه‌ڵوێستى نێوان هێز و لایەنە سياسييه‌كانی كوردستان بكه‌ین، ئه‌مه‌ش ده‌بێته‌ فاكته‌رێكی گرنگ بۆ بەدیهێنانی تەواوی مافەكانی گەلى كوردستان و پاراستنى ده‌سكه‌وته‌كانمان.

 ده‌قی په‌یامی پیرۆزباییه‌كه‌:

بۆ بەڕێز مه‌كته‌بی سیاسیی بزووتنه‌وه‌ی چاكسازی نیشتمانی

بابەت / په‌یامی پیرۆزبایی

سڵاوی سەرخۆبوون‌ و ئازادی ...

بەبۆنەی(12)يه‌ه‌مین ساڵڕۆژی دامەزراندنی (بزووتنه‌وه‌ی چاكسازی نیشتمانی) بەناوی خۆمان ‌و تەواوی ئەندام ‌و لایەنگرانی یه‌كێتی نه‌ته‌وه‌یی دیموكراتی كوردستانYNDK، جوانترین پیرۆزباییتان ئاڕاستە دەكەین‌ و خوازیارین ساڵڕۆژی دامەزراندنی ئەمساڵتان هاندەر بێت بۆ زیاتر پێشڤه‌چوونتان.

بەڕێزان: بزوتنه‌وه‌ی چاكسازی نیشتمانی له‌ماوه‌ی (12) ساڵ ته‌مه‌نی وه‌ك بزووتنه‌وه‌یه‌كی نیشتمانی خاوه‌ن هه‌ڵوێست بووه‌ و هه‌میشه‌ كاری بۆ پێكه‌وه‌ژیان و ئاشتی و ته‌بایی كردووه‌، هه‌روه‌ها له‌ قۆناغی ئێستادا كوردستان و عێراق و ناوچه‌كه‌ به‌ ره‌وشێكی ناسك و هه‌ستیاردا ده‌ڕۆن‌، بۆ ده‌ربازكردنی ئه‌م ره‌وشه‌ له‌سه‌ر هه‌موو لایه‌كمان پێویسته‌ كار بۆ یەكڕیزی و يه‌كهه‌ڵوێستى نێوان هێز و لایەنە سياسييه‌كانی كوردستان بكه‌ین، ئه‌مه‌ش ده‌بێته‌ فاكته‌رێكی گرنگ بۆ بەدیهێنانی تەواوی مافەكانی گەلەكەمان و پاراستنى ده‌سكه‌وته‌كانمان.

لەم بۆنەیەتاندا جارێكی  دیكه‌ جەخت  دەكەینەوە سەر زیاتر توندوتۆڵكردنی پەیوەندی  برایانەی نێوانمان و سەرجەم هێز و لایەنەكانی كوردستان.  

             هەر سەركەوتوو بن ... لەگەڵ رێزماندا.

             مەكتەبی سیاسیی

                 یەكێتی نەتەوەیی دیموكراتی كوردستان YNDK

          هه‌ولێر- باشووری كوردستان