جەژنی سەری ساڵی ئێزدى له‌ خوشك و برايانى ئێزدى پیرۆزبێت ...

بەبۆنەی هاتنەوەى جەژنی سەری ساڵی ئێزدییەوە، جوانترین پیرۆزبایی لە تەواوی خوشك و برايانى ئازیزى ئێزدییانى کوردستان و جیهان و بنەماڵەی سەربەرزی شەهیدان و كەسوكاری ئەنفالكراوانى ئێزدى‌ دەكەین و، هیڤیدارین ئەم جه‌ژنه‌ ببێتە جه‌ژنى خێر و خۆشى بۆ هه‌موو لايه‌ك و، لەهەمان کاتدا ببێتە جەژنى له‌ناوچوونى تيرۆريستان و جه‌ژنى ئازادبوون و گه‌ڕانه‌وه‌ى هه‌موو ئه‌و خوشك و برا ئێزدييانه‌ى كه‌وا تا ئێستا له‌ زيندانه‌كانى شەمشەمەکوێرەکانى جەهالەت (تيرۆريستانى داعش)دان.

لەگەڵ رێزو خۆشەویستی و پیرۆزبایی دووبارەمان بۆ هەموو لایەك.

هەر بژین و سەركەوتووبن و كوردستان ئاوه‌دان.

دڵسۆزتان

غەفوور مەخمووری

سکرتێرى گشتیى

یەکێتى نەتەوەیى دیموکراتى کوردستان YNDK

18 / 4 / 2023