میدیا – هەولێر:

مەكتەبی سیاسیی YNDK به‌ بۆنه‌ی (31)يه‌مین ساڵیادی دامه‌زراندنیان پیرۆزبایی له‌مەكتەبی سیاسیی بزووتنه‌وه‌ی دیموكراتی گه‌لی كوردستان ده‌كات، له‌ په‌یامی پیرۆزباییه‌كه‌ هاتووه‌: وێڕای پیرۆزبایی و سه‌ركه‌وتن له‌كاره‌كانيان،‌ یەكڕیزی و یەكدەنگی و يه‌كهه‌ڵوێستى لایەنە سیاسییەكان له‌م قۆناغه‌دا پێويسته‌ بۆ به‌دیهێنانی ته‌واوى مافه‌كانی گه‌لی كوردستان و پاراستنى ده‌سكه‌وته‌كانمان.

ده‌قی په‌یامی پیرۆزباییه‌كه‌:

بۆ بەڕێز مه‌كته‌بی سیاسیی بزووتنه‌وه‌ی دیموكراتی گه‌لی كوردستان

بابەت / پیرۆزبایی

سڵاوی سەرخۆبوون‌ و ئازادی ...

بەبۆنەی(31)يه‌مین ساڵیادی دامەزراندنی بزووتنه‌وه‌كه‌تان (بزووتنه‌وه‌ی دیموكراتی گه‌لی كوردستان) بەناوی خۆمان‌و تەواوی ئەندام‌و لایەنگرانی یەكێتیمانYNDK، جوانترین پیرۆزبایتان ئاڕاستە دەكەین‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر پێشڤەچوونتان .

بەڕێزان : بزووتنه‌وه‌كه‌تان (بزووتنه‌وه‌ی دیموكراتی گه‌لی كوردستان) هەمیشە چەترێك بووە بۆ كۆكردنەوەی نیشتمانپەروەران و دیموكراتیخوازان و هەموو كات خەباتی كردووە بۆ بەدیهێنانی مافەكانی گەلی كوردستان، ئەوەی لەم قۆناغەی ئەمڕۆمان گرنگە یەكریزی و يه‌كهه‌ڵوێستى سەرجەم هێز و لایەنەكانی كوردستانە بۆ بەدیهێنانی تەواوی مافەكانی نەتەوەكەمان و پاراستنی دەستكەوتەكانمان.

 لەم بۆنەیەتاندا جارێكی  تر جەخت  دەكەینەوە سەر زیاتر توندوتۆڵكردنی پەیوەندی  برایانەی نێوانمان و سەرجەم هێز و لایەنەكانی كوردستان .... هەر سەركەوتوو بن.

هەر سەركەوتوو بن .... لەگەڵ رێزماندا.

مەكتەبی سیاسيی

یەكێتی نەتەوەیی دیموكراتی كوردستان YNDK